المكثفات ماهي وكيف تعمل

المـــكـــثــفات

هو عباره عن لوحين معدنيين وبينهم عازل

وله انواع كثيره

مثل المكثفات الألكتروليتيه والسيراميكيه والورقيه

يستخدم المكثف فى شحن الشحنات الكهربيه (بيشحن فولت ) وهوه عامل زى البطاريه لكن مع وجود بعض الأختلافات لكن بيكون فيه خطوره انه يفرقع لو اتشحن لجهد أكبر من الجهد بتاعه وبتلاقوا مكتوب عليه الجهد الأكبر له الذى لا يجب تجاوزه

رموز المكثفات المختلفه فى الدوائر

مكثف ليس له قطبيه زى السيراميكى





ملهوش قطبيه : يعنى ملهوش رجل سالبه وأخرى وموجبه



مكثف له قطبيه زى الألكتروليتى والتانتاليوم



بتفرق جداَ موضوع القطبيه ده فى هذا النوع من المكثفات لانك لازم توصل الموجب على طرف عليه الجهد الأكبر والتانى أما على الأرضى او على سالب



مكثف متغير



بنتعامل مع الرجلين بتاعته زى المقاومه المتغيره بالظبط



قانون هام



Vc = Q/c

جهد المكثف بيساوى الشحنه على سعه المكثف

ألزق القانون ده فى دماغك



Capacitors in Series and Parallel





series

C = 1/C1+1/C2+1/C3



parallel



C = C1 + C2 + C3



يعنى المكثفات فى القانون بتعها فى حاله التوصيل توالى وتوازى عكس المقاومات



ماذا يحدث لو وصلنا المكثف مع بطاريه بهذا الشكل ؟؟؟





المكثف سيظل يشحن حتى يصل لقيمه البطاريه وبعد كده يتوقف الشحن

استخدام المكثفات فى الشحن والتفريغ :-





ركز معايه فى شكل الدائره الصغيرى ألى على الشمال ديه

أحنا حطينا بطاريه مع مقاومه متوصلين مع مكثف كله توالى

يعنى فرق الجهد على المقاومه + فرق الجهد على المكثف = جهد البطاريه

وعلشان فرق الجهد ألى على المقاومه بيساوى التيار فى المقاومه

وكل ما هتزيد المقاومه هيقل التيار

R= V\\I

فهتزيد الشحنه Q

طيب انا دلوقتى عاوز أعرف المكثف ده هيشحن فى زمن قد أيه ؟؟؟

انت من القانون ألى على الشمال ده هتجيب قيمه الشحنه

وتجيب الزمن يا ريس من t=R*C

وبيتقال عليها تاو

وفيه مواقع عليها أله حاسبه للموضوع ده

زى الموقع ده

[ندعوك للتسجيل في المنتدى أو التعريف بنفسك لمعاينة هذا الرابط]

دلوقتى أحنا شحنا المكثف عاوزين نفرغه بس على هداوه وبراحه

ده بيتم عن طريق توصيل مقاومه معه على التوازى

طيب لمعرفه الزمن اللازم لتفريغ

t=R*C





يبقى نبص على القانون بتعنا

وبكده عرفناه هيفرغ وهيشح فى زمن قد أيه وعرفنا الجهد الى على المكثف أزاى هنحسبه

[ندعوك للتسجيل في المنتدى أو التعريف بنفسك لمعاينة هذا الرابط]



وبكده خلصنا الشحن والتفريغ وطريقه توصيله فى الدائره






المكثفات الألكتروليتيه :



لو بصينا عليه كده بصه فاحصه هنلاقى بيكون مكتوب عليه سعته بال uf الميكرو فراد

وكما بيكتب لك اقصى فولت يتحمله هذا المكثف وكما هتلاقيه عامل لك خط أبض على فوق رجل منهم علشان يعرفك الرجل السالبه منهم

وقيم هذا المكثف بتكون بالميكرو فراد يعنى من واحد لغايه ألاف وحلاوته أنه سعته كبيره وده بيكون كويس فى الدوائره التى تحتاج ترشيح او تنعيم
للجهد ( هنشرحها قريب



المكثفات السيراميكيه :-

)





انا مسميه مكثف عدسايه وبرجلين لانه صغير زى العدسايه بالظبط

المهم

المكثف ده ملهوش قطبيه يعنى تحطه باى وضع ولا يهمك عادى خالص

ومعظم استخداماته بتكون فى دوائر الأرسال ودوائر الترددات العاليه

وقيمه بتكون صغير يعنى تلاقيها بالنانو أو بالبيكو فاراد

كيفيه قرائتها :

بص يا سيدى

لو قدامك كود زى 102 او 104 او 103 وممكن تلاقى بعديه حرف كمان

يبقى ده كود رقمى لقيمه المكثف

طيب طريقه تحويله أزاى ؟؟؟؟

بص على الصوره ديه هتلاقيها توضح لك كل حاجه تمام


يعنى المكثف ألى عليه الكود ده 102k قيمته 1000 بيكو

10*10^2 بيكو

خش كمان على الموقع ده هتلاقى فيه جدول كويس علشان تفهم أكتر

[ندعوك للتسجيل في المنتدى أو التعريف بنفسك لمعاينة هذا الرابط]

لكن لو لاقيت عليه رقم مباشر يعنى لو لاقيت عليه مكتوب 5 بس كده منغير أى حاجه

ده معناها ان قيمته خمسه بيكو فاراد

وهكذا .....

طيب ازاى احوله من بيكوفاراد لنانو فاراد



هوه فيه علاقه بينهم بس انا مش فاكرها والله



بس أنت ممكن تدخل على الموقع ده هتلاقى عليه جدول التحويل من بيكو لنانو



[ندعوك للتسجيل في المنتدى أو التعريف بنفسك لمعاينة هذا الرابط]



الموقع ده عليه أله حاسبه علشان تريح دماغك خالص من الأكواد والحجات ديه

انت بتدخل له القيمه وهو يديك الكود

[ندعوك للتسجيل في المنتدى أو التعريف بنفسك لمعاينة هذا الرابط]



الموقع ده بقى العكس يعنى تديله الكود يروح هوه مديك القيمه بالبيكو والنانو والميكرو علشان ميكونش ليك حجه بقى .
[ندعوك للتسجيل في المنتدى أو التعريف بنفسك لمعاينة هذا الرابط]





مكثفات التانتاليوم



هيه عباره عن مكثفات ألكتروليتيه ولها قطبيه

انا قرات انها بتستخدم فى الدوائر التى تحتاج ألى استقرار عالى فى قيمه السعه

لكن بامانه انا مستخدمتهاش غير مره واحده بس فى دائره توليد اشاره مثلثيه ( هنشرح أنواع الأشاراات بعد كام يوم كده )

ديه صورتها






وقراتها سهله أوى

الرقم ألى فوق ده سعه المكثف وألى فى الصوره ده قيمته 4.7 ميكرو فاراد

والرقم ألى تحته ده أقصى جهد يتحمله المكثف

والرجل الموجبه هى الرجل ألى تحت الموجب مباشره والرجل التانيه سالبه



لكن عيبها أنها غاليه شويه عن باقى المكثفات