منتديات دقه قلب

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات دقه قلب

Love

أفضل 10 أعضاء في هذا المنتدى

lorans - 273
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 
Admin - 270
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 
AsOoLMoOoT - 245
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 
Nour - 213
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 
Magic - 19
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 
مستر تربو - 16
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 
egy knight - 14
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 
pop - 9
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 
DonV2 - 8
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 
shata - 5
القدس (عبد الرحمن الأبنودى) Emptyالقدس (عبد الرحمن الأبنودى) Emptyالقدس (عبد الرحمن الأبنودى) Empty 

هذا الكن مخصص لأى اعلان من الأداره للأعضاء

2 مشترك

    القدس (عبد الرحمن الأبنودى)

    avatar
    Die Hard
    مبدع جديد
    مبدع جديد


    عدد المساهمات : 3
    نقاط : 9
    تاريخ التسجيل : 20/12/2009

    القدس (عبد الرحمن الأبنودى) Empty القدس (عبد الرحمن الأبنودى)

    مُساهمة من طرف Die Hard الإثنين ديسمبر 21, 2009 8:26 am

    القدس قدسي..

    يمامة صيف في غيتها.

    تطير . تيجيني..

    بأشواقها .. وغيتها.

    فاكراني من يد صيادها

    أنا اغيتها

    فاكراني صوت الأدان الحي

    في "حطين"

    ومخبي في ضلوعي قلبك

    يا "صلاح الدين"..

    شايل صراخ اليتامى

    ولوعة المساكين

    فاكراني كفن الشهيد

    وخيمة اللاجئين

    وأول الأتقيا..

    وآخر الهاربين..

    ***

    تجيني وتبوسني

    وتملس على خدودي

    هاربة بـ حدودها القدام

    تتحامى في حدودي

    تبكي على صدري

    دبكة حزن على عودي

    تبكي وفاكرة حد هدها

    وأسكتها

    أنا..

    ياللي من موت شراييني

    اتنسج موتها

    وصوتي..

    يوم الغنا الباطل

    بلع صوتها

    مافيش في قلبي

    ولا آهة أموتها

    كل الآهات ميتة

    أنا حبيس همسي

    نزعت صورتها من بُكرايا

    من أمسي

    حطين ولا حطيني

    ولا قدس الهموم.. قدسي

    ولا عارفة تنساني

    زي ما تهت.. ونسيتها

    ***

    القدس..

    تيجي يمامة نور

    مطفية

    طالعالي م البرد

    للصيف الجديد تسعى

    فاكرة في كفي طعام

    وف قلبي أخوية

    هية اللي مش واعية..

    والا أنا اللي مش باوعى..؟

    لا دمع يسقى عطش عيني

    ولا مية.

    يا حزن لا تترجمه أهة..

    ولا دمعة..

    ...

    ما كنا فاكرينا

    أطفالك

    يا ست الكل.

    الكدب ما يجيبش همه

    إحنا مش أطفال

    وكنا فاكرينا أبطالك

    أيادي السيف

    سيوفنا من قش

    ودي..

    ماهيش إيدين أبطال

    ضيعنا ع القهوة

    نص العمر

    نتاوب

    نتمنوا من ربنا..

    تتحسن الأحوال

    ***

    يا قدس

    لمي جناحك وارجعي تاني.

    ولا تصدقي قولي..

    ولا تتمني

    أحضاني

    نامي في حضن العدو

    هوه العدو الأول

    يا قدس..

    خافي قوي..

    من العدو الثاني.

    الخنجر المختفي

    وانتي فاكراه

    ضلع

    الأفعى ورا

    ضحكتي..

    والموت في أسناني.

    وصفحتي في النضال

    بيضا بياض التلج

    ***

    لمي الجناح يا قدس

    لمي الجناح..

    "البناني" ف قلبي مسكونة

    بيمام .. غريب الوطن.

    يوم ما التهم خضرتك

    فدان ورا فدان.

    يوم ما طرد أسرتك

    إنسان ورا إنسان.

    يوم ما هدم مادنتك

    وكسَّر الصلبان

    ***

    يا قدس..

    قولي لحيطانك

    اثبتي بقوة

    حيخلصك ابنك

    اللي أنا .. مانيش هوه

    لا تبحثي عن حلول

    الحل من جوه

    احل من جوه

    الحل من جوه .
    AsOoLMoOoT
    AsOoLMoOoT
    مشرف
     مشرف


    عدد المساهمات : 245
    نقاط : 347
    تاريخ التسجيل : 18/12/2009
    العمر : 45

    القدس (عبد الرحمن الأبنودى) Empty رد: القدس (عبد الرحمن الأبنودى)

    مُساهمة من طرف AsOoLMoOoT الأحد ديسمبر 27, 2009 8:26 am

    القدس (عبد الرحمن الأبنودى) 779877 القدس (عبد الرحمن الأبنودى) 942588

      الوقت/التاريخ الآن هو الخميس مارس 28, 2024 9:16 pm